«Грузія заслугоўвае Еўропу сёння як ніколі раней!»

Зорныя грузінскія спартоўцы падтрымалі пратэстоўцаў.

У Грузіі працягваюцца пратэсты, і ўсё больш вядомых асоб выступаюць у іх падтрымку. Цяпер чарга дайшла і да спартоўцаў.

Футбаліст каманды Грузіі Хвіча Кварацхелія ахарактарызаваў відэа, якія распаўсюджваюцца ў сацыяльных сетках, як «балючыя і эмацыйныя», паведамляе грузінская служба «Радыё Свабода».

«Мне балюча за маю краіну, мне балюча за мой народ. Глядзець на гэтыя відэа, якія распаўсюджваюцца, балюча і эмацыйна. Спыніце гвалт і агрэсію! Грузія заслугоўвае Еўропу сёння як ніколі раней!»- напісаў Кварацхелія.

Футбаліст, які прадстаўляе італьянскі клуб «Напалі», назваў еўрапейскі курс Грузіі «гістарычным выбарам».

«Жаданне і воля грузінскага народа - ісці еўрапейскім шляхам. Гэта наш гістарычны выбар, адзіна правільны выбар, і недапушчальна адхіляцца ад гэтага шляху. Гэтая краіна належыць народу, і ніхто не стаіць вышэй за волюнарода», - дадаў ён.

«Ганьба!»- напісаў у Instagram брамнік нацыянальнай каманды Грузіі і гішпанскай «Валенсіі» Георгій Мамардашвілі, прыклаўшы відэа, на якім відаць, як паліцэйскі б'е нагой пратэстоўца, які ўпаў.

Футбаліст грузінскай каманды Георгій Качарашвілі апублікаваў сторыз у Instagram у падтрымку пратэстоўцаў.

«Грузія заслугоўвае адзінства і справядлівасці. Балюча глядзець, як пакутуе наш народ. Наш голас і дзеянні павінны быць накіраваныя на лепшую будучыню краіны», — падпісаў спартовец кадры жывога эфіру з акцыі пратэсту.

Футбаліст каманды Грузіі Буда Зіўзівадзэ асудзіў празмерную сілу, выкарыстаную сілавікамі супраць удзельнікаў пратэсту ў Тбілісі. У сацыяльнай сетцы спартовец напісаў: «Я заўсёды стаяў і буду стаяць побач з Грузіяй і грузінскім народам, якія змагаюцца за найлепшую будучыню Грузіі. Я асуджаю гвалт, немагчыма глядзець на тое, што адбываецца сёння ў Грузіі. Грузія заслугоўвае таго, каб быць адзінай і часткай Еўропы. Маё меркаванне ніколі не змянялася: месца Грузіі ў Еўропе», - піша ён.

Былы баскетбаліст Заза Пачулія, двухразовы чэмпіён NBA, таксама апублікаваў сторыз, дзе падтрымаў пратэстоўцаў.

«Цяжка глядзець на гэтыя кадры і не пратэставаць, калі грузін нападае на грузіна. Я асуджаю і адмаўляюся ад любога гвалту! Грузія была і будзе часткай Еўропы!»,- напісаў ён.

Маштабныя пратэсты ўспыхнулі ў Грузіі ўвечары 28 лістапада, пасля таго як улады абвясцілі аб зняцці з парадку дня да 2028 года пытання адкрыцця перамоў аб уступленні краіны ў ЕЗ і адмове ад усіх бюджэтных грантаў Еўразвязу. На практыцы гэта пастанова азначае, што правядзенне мноства рэформаў, накіраваных на абарону правоў чалавека, падвышэнне незалежнасці судоў, пракуратуры і іншых дзяржаўных інстытутаў, для ўладаў больш не з'яўляецца прыярытэтам. Ва ўрадзе сцвярджаюць, што не адмаўляюцца ад еўрапейскага курсу, а толькі хочуць абараніць краіну ад «шантажавання» звонку.

У Тбілісі праеўрапейскія мітынгі разганяюць з выкарыстаннем вадамётаў і слезацечнага газу. Паведамляецца пра дзясяткі фактаў збіцця пратэстоўцаў і журналістаў сілавікамі. На акцыях у грузінскай сталіцы за два дні ў адміністрацыйным парадку затрымалі 150 чалавек.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com