У Менску пабудуюць новую дарогу

Яна злучыць Фрунзенскі і Цэнтральны раёны сталіцы.

У Фрунзенскім раёне беларускай сталіцы плануюць пабудаваць новы чыгуначны пераезд. Пра гэта агенцтву «Минск-Новости» паведаміў кіраўнік раённай адміністрацыі Сяргей Шкруднеў.

Адна з праблем Фрунзенскага раёна - транспартная. Ён фактычна адрэзаны ад цэнтральнага чыгункай. Ёсць усяго два варыянты, як яго можна перасекчы, — МКАД і другое кола.

«Будаўніцтва новага чыгуначнага пераезду падтрыманае кіраўніцтвам горада, - адзначыў Шкруднеў. - Раней ён ужо быў запланаваны як працяг вул. Калеснікава праз чыгунку ў бок Цэнтральнага раёна. Гэта значыць, што гэтая дарога прадугледжаная планам»

Са слоў Шкруднева, гэта здыме нагрузку на МКАД, палепшыць транспартнае злучэнне паміж раёнамі. Каб дабрацца ў Цэнтральны, не трэба будзе ехаць у аб'езд пр. Пушкіна або праз МКАД.

«Ужо распрацоўваецца перадпраектная дакументацыя. Думаю, у студзені 2025 года яна будзе гатовая, і мы ўжо будзем бачыць нейкія цэнавыя характарыстыкі, кошт аб'екта. Зыходзячы з гэтага, пачнём праектаваць і выдаваць грошы з бюджэту на будаўніцтва дарогі», — сказаў Шкруднеў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com