У Нарвегіі ўручылі Нобелеўскую прэмію міру
3- 10.12.2024, 21:50
- 5,706
Прэмію ўручылі японскай арганізацыі Nihon Hidankyo.
У Осла ў аўторак, 10 снежня, прайшло ўручэнне Нобелеўскай прэміі міру японскай асацыяцыі тых, хто перажыў амерыканскія атамныя бамбаванні Nihon Hidankyo. Адзін з трох сустаршыняў Nihon Hidankyo, 92-гадовы Тэрумі Танака, які выжыў у Нагасакі, запатрабаваў ад урадаў «ужыць захады для дасягнення» бяз'ядзернага свету, перадало агенцтва AFP.
«Я бясконца засмучаны і абураны тым, што “ядзернае табу” пагражае быць парушаным», – сказаў Танака ў гарадской ратушы Осла. Узнагарода была прысуджаная 11 кастрычніка за намаганні ў дасягненні «свету, свабоднага ад ядзернай зброі».
Nihon Hidankyo, або Японская рада арганізацый ахвяраў атамных бамбаванняў Хірасімы і Нагасакі, са жніўня 1956 года праводзіць кампанію за пашырэнне медыцынскіх паслуг для «хібакуся» (людзей, якія выжылі пасля амерыканскіх ядзерных удараў па двух гэтых японскіх гарадах), а таксама за поўную забарону распрацоўкі і ўжывання ядзернай зброі.
Нарвежскі Нобелеўскі камітэт адзначаў, што асацыяцыя дапамагла ўзначаліць глабальны рух, які «нястомна працуе над павышэннем дасведчанасці аб катастрафічных гуманітарных наступствах ужывання ядзернай зброі».
З часам, указвалася ў заяве, ідэя гэтага руху перарасла ў «магутную міжнародную норму», якая таўруе выкарыстанне ядзернай зброі як маральна непрымальнае: «Гэтая норма стала вядомая як “ядзернае табу”».
У выніку ядзернага ўдару ЗША па Хірасіме 6 жніўня 1945 года загінулі блізу 140 000 чалавек, падчас бамбавання Нагасакі праз тры дні – блізу 70 000. Токіа абвясціў пра сваю капітуляцыю 15 жніўня 1945 года. Асацыяцыя Nihon Hidankyo намінавалася на Нобелеўскую прэмію міру ў 1985 і ў 1994 гадах.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
