Ва Украіне загінуў беларускі добраахвотнік Газ

Байцу Інтэрнацыянальнага легіёна было 25 гадоў.

Пра смерць беларускага добраахвотніка Газа паведамілі ягоныя сябры ў сацыяльных сетках.

Беларускі добраахвотнік Газ сустрэў пачатак поўнамаштабнай вайны ў Маскве. Там ён жыў з 16 гадоў, калі пераехаў да бацькі з роднага Наваполацка.

На момант пачатку вайны Газ працаваў камерцыйным дырэктарам у развіцці кампаніі аўтазапчастак. Ён адзначаў, што быў далёкі ад палітыкі, нават пра беларускія пратэсты-2020 ведаў толькі павярхоўна.

"Але жыць у Расеі стала невыносна: ваенная прапаганда была на кожным кроку", – распавядаў Газ у вялікім інтэрв'ю "Зеркалу".

У выніку ў жніўні 2022 года ён вярнуўся ў Беларусь. Жывучы ў Наваполацку, а потым у Менску ўсвядоміў сябе беларускім патрыётам.

Газ накіраваў заяўку ў Інтэрнацыянальны легіён.

Сям'я не падтрымала выбар хлопца. Бацька, грамадзянін Расеі, абарваў кантакты з ім. «Мама ў мяне беларуска, яна адрэагавала як самая звычайная маці. Казала, што гэта небяспечна, былі нейкія слёзы спачатку, а потым проста прыняцце. Цяпер мы з ёй размаўляем, уздымаем і такія тэмы, якія ёй раней цяжка даваліся. І ўсё добра. Бабуля казала, што я паехаў ваяваць за грошы выключна, цётка мяне таксама не падтрымала, сказала, што гэта няправільна», - казаў Газ.

Да вясны 2024 года, калі Газ даваў інтэрв'ю «Зеркалу», ён ужо скончыў падрыхтоўчыя курсы і прымаў удзел у баявых аперацыях. У перапынку паміж імі вучыўся кіраванню FPV-дронамі.

«Адразу зразумеў: гэта маё. Я вельмі рады, што зрабіў такі выбар», - гаварыў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com