Каля Іерусаліма адбыўся тэракт: загінула дзіця

Яшчэ некалькі чалавек параненыя.

Ізраільскі аўтобус быў абстраляны на шашы ў раёне Заходняга берагу каля Іерусаліма недалёка ад вёскі Бейт-Джала, каля кантрольна-прапускнога пункта. У выніку атакі загінула 12-гадовае дзіця.

Пра гэта паведамляюць The Times of Israel і newsru.co.il.

Пасля абстрэлу транспарту нападнік ці нападнікі ўцяклі з месца здарэння.

Кіроўца аўтобуса пасля стральбы давёз людзей, сярод якіх былі параненыя, да КПП «Менарот», дзе яго ўжо чакалі машыны «хуткай дапамогі».

Пазней медыкі з лякарні Хадаса Эйн-Керам у Іерусаліме расказалі, што хлопчык памёр ад агнястрэльных раненняў. Удакладняецца, што рана была вельмі сур'ёзная – куля патрапіла дзіцяці ў шыю.

Таксама парамедыкі паведамілі, што ў выніку тэракту пацярпелі яшчэ тры чалавекі – у 40-гадовай жанчыны былі агнястрэльныя раненні, а яшчэ два чалавекі атрымалі парэзы ад аскепкаў шкла.

Ізраільскія сілы бяспекі высвятляюць акалічнасці тэракту, правяраюць аўтобус пасля абстрэлу. У прэс-службе Войска абароны Ізраіля (ЦАХАЛ) расказалі, што на ўездзе ў Бейт-Лехем былі ўсталяваныя блокпасты.

Аўтобус рухаўся маршрутам з Бейтар-Іліта ў Іерусалім.

Палестынскія крыніцы расказалі ізраільскім СМІ, што тэрарысты паспрабавалі здацца палестынскім службам бяспекі ў Бейт-Лехеме, але тыя нібыта перадалі аднаго нападніка ізраільскім вайскоўцам.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com