«Баравікі пайшлі ўжо?»: Беларусы паказалі, якія грыбы збіраюць у снежні

Грыбны сезон прадаўжаецца, нягледзячы на зіму.

Нягледзячы на тое, што на календары ўжо амаль сярэдзіна снежня, гэта не спыняе беларускіх грыбнікоў ад паходаў у лес. Ужо дзясятак разоў на тэматычных пляцоўках у сацсетках абвяшчалі пра «закрыццё грыбнога сезону», але людзі прадаўжаюць хадзіць у лес з кошыкамі і, як бы дзіўна гэта ні здалося, вяртаюцца не з пустымі кошыкамі. «Тэлеграф» паглядзеў на «снежаньскі ўлоў» беларускіх грыбнікоў.

Безумоўна, галоўным героем выхвальнікаў у сацсетках у пачатку каляндарнай зімы застаецца фламуліна аксамітаваножкавая. Гэта той самы «зімовы апенек», якому не страшны лёгкі марозік. Прычым, як сцвярджаюць спецыялісты, на смак гэта таксама не ўплывае – грыб, паводле іхніх словаў, не старчвае сваіх смакавых якасцяў, нават калі яго «прыхопіць» марозам і нават адталыя грыбы ўважаюцца за сапраўдны далікатэс.

Так, адзін з грыбнікоў паказаў у TikTok цэлую «плантацыю» фламуліны пад Менскам, на якую ён натрапіў у лесе 11 снежня.

«Баравікі пайшлі ўжо ці вось-вось?» – гулліва пацікавіўся адзін з каментатараў пад відэа з зімовымі апенькамі.

Аднак, мяркуючы з пастоў у тэматычнай групе «УКантакце» «Грыбы: Грыбныя войскі Беларусі», пытанне не такое ўжо рытарычнае, паколькі фламуліна – далёка не адзіны від, які прыносілі з лесу беларускія грыбнікі ў апошнія дні.

Так, як адзначыў адзін з удзельнікаў групы Зміцер Навумаў, нягледзячы на тое, што ў лесе ў пачатку снежня «снегу стала яшчэ больш», грыбы гэта не спыняе.

«У звыклых грыбных месцах знаходак няшмат, усе грыбы даўно пабраныя, а новыя ўжо не растуць. Затое неаблашчаныя ўвагай куткі лесу па-ранейшаму цешаць. Вясёлыя і бліскучыя ад лёду купкі апенек, цэлыя табуны крыху пераспелых і нікім не палоханых фіялетавых радовак, зазімавалыя польскія грыбы, падзялёнкі, сыраежкі. Амаль усе яны ўжо злёгку заснулі, нават неяк няёмка было іх непакоіць», – расказаў пра сваю вылазку ў лес у раёне Валяр’янава – Бараўляны (Менскі раён) 11 снежня мужчына і падзяліўся фота «з месца падзей».

Мяркуючы з паведамленняў і фатаграфіяў, выкладзеных у групе іншымі ўдзельнікамі, акрамя зімовых апенек у пачатку снежня ў беларускіх лясах яшчэ можна сустрэць падмерзлыя зялёнкі, падзялёнкі, гіграфор позні, польскія і нават маслякі з вешанкамі.

У TikTok таксама яшчэ сустракаюцца відэа з ужо зімовага беларускага лесу.

«Чарговае закрыццё грыбнога сезону, спадзяюся на гэты раз цалкам і да вясны», – напісала аўтарка аднаго з ролікаў. Але давайце будзем сумленныя – верыцца ў гэтыя абяцанні з цяжкасцю – наўрад ці заўзятых грыбнікоў спыняць маразы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com