З'явіліся новыя звесткі аб ліквідацыі ў Маскве топ-канструктара крылатых ракет X-59/X-69

Гэта была аперацыя ГУВ.

Ліквідацыя намесніка генеральнага канструктара, кіраўніка аддзела праграмнага забеспячэння канструктарскага бюро "Марс" Міхаіла Шацкага магла быць аперацыяй Галоўнай управы выведкі Мінабароны Украіны. Злачынца займаўся мадэрнізацыяй крылатых ракет X-59 да ўзроўню Х-69.

Шацкага застрэлілі ў Кузьмінскім лесапарку паблізу Кацельнікаў Маскоўскай вобласці. Пра гэта OBOZ.UA паведамілі праінфармаваныя крыніцы ў Сілах абароны Украіны.

Як адзначаюць крыніцы ў Сілах Абароны, да знішчэння Шацкага можа мець дачыненне Галоўная ўправа выведкі Мінабароны Украіны.

Шацкі быў кіраўніком аддзела функцыянальнага праграмнага забеспячэння расейскага федэральнага дзяржаўнага ўнітарнага прадпрыемства доследна-канструктарскага бюро "Марс", якое з'яўляецца даччыным прадпрыемствам расейскага дзяржаўнага холдынгу атамнай энэргіі "Расатам".

Ліквідаваны злачынец займаўся мадэрнізацыяй крылатых ракет X-59 да ўзроўню Х-69, а ягоныя калегі лічылі знішчанага канструктара галоўным ідэолагам укаранення штучнага інтэлекту ў БПЛА і ў іншыя лятальныя і касмічныя расейскія апараты.

“Нагадваем, што кожная асоба, якая так ці інакш мае дачыненне да развіцця расейскага ВПК і такім чынам падтрымлівае расейскую агрэсію супраць Украіны, з'яўляецца законнай мэтай для Сіл Абароны”, - адзначыў суразмоўца ў САУ.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com