«Кітайцы не разумеюць Крэмль»

Палітолаг пра візіт Мядзведзева ў Пекін.

Экс-прэзідэнт РФ Дзмітрый Мядзведзеў другі раз з пачатку вайны ва Украіне наведаў з афіцыйным візітам Кітай. Там ён сустрэўся з кіраўніцтвам краіны, з Сі Цзіньпінам. Гэты візіт, магчыма, патрэбны Пекіну менавіта напярэдадні інаўгурацыі Дональда Трампа.

Пра гэта «24 Каналу» распавёў палітолаг Мікалай Давідзюк, зазначыўшы, што кіраўніцтву Кітая трэба зразумець, як выкарыстоўваць Расею ў далейшым выбудоўванні стасункаў з новай адміністрацыяй Белага дома. У той жа час намеснік кіраўніка Савета бяспекі Расеі прыехаў у Кітай даць справаздачу.

Адбываецца праца ва ўзмоцненым рэжыме

Давідзюк нагадаў, што ў часы Савецкага Саюза ў Маскву выклікалі Мао Цзэдуна, тагачаснага кіраўніка Кітая, і давалі яму заданні, а таксама палохалі яго войскамі на мяжы. А зараз усё стала з ног на галаву і даводзіцца ўжо Пуціну з Мядзведзевым ездзіць у Пекін і прасіць, каб ім нешта давалі, даваць справаздачу.

- Кітай дакладна даў зразумець Расеі, што Пуцін і Мядзведзеў публічна гавораць адно, а робяць зусім іншае, і Пекін - супольнік Масквы - ужо нічога не разумее. Таму Мядзведзеў асабіста паехаў туды, каб растлумачыць, чаму Расея палохае «Арэшнікам», што яна робіць і ўвогуле, хто яны такія, – выказаў меркаванне палітолаг.

Напраўду ў Кітаі, на думку Давідзюка, не вельмі любяць ні Мядзведзева, ні Пуціна. У Расеі кітайцы ўспрымаюць толькі камуністычную партыю - левыя, камуністы ідэалагічна зразумелыя і блізкія Пекіну.

Кітай, як мяркуе палітолаг, ведае як з Расеі зрабіць нармальную плывучую баржу, таму што зараз гэта тушка, якая раскладаецца. Таму Пекіну даводзіцца працаваць з Пуціным і Мядзведзевым, але іх кітайцы да канца не разумеюць.

- Цяпер з імі адбываецца праца ва ўзмоцненым рэжыме, таму што з абраннем прэзідэнтам ЗША Дональда Трампа Кітай хоча зразумець, дзе яго месца, як ён будзе сябе пазіцыянаваць і як выкарыстоўваць Расею ў сваёй гульні. Гэта асноўная база для запрашэння Мядзведзева ў Пекін, - падкрэсліў Мікалай Давідзюк.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com