Трамп не выключыў вайну з Іранам

У першы тэрмін ён праводзіў жорсткую палітыку ў дачыненні да Тэгерана.

Вайна ЗША з Іранам не выключаная, заявіў абраны прэзідэнт ЗША Дональд Трамп, гаворыцца ў рэдакцыйным артыкуле Time наконт прысуджэння часопісам палітыку звання чалавека года.

«Усё магчыма», – сказаў Трамп у адказ на адпаведнае пытанне, вытрымаўшы паўзу.

Трамп падчас свайго першага тэрміну выйшаў з ядзернай угоды з Ісламскай Рэспублікай: пагадненне паміж Іранам, ЗША, Расеяй, Кітаем, Вялікай Брытаніяй, Францыяй і Нямеччынай абмяжоўвала ядзерную праграму Тэгерана ў абмен на зняцце эканамічных санкцый. Міжнароднае агенцтва атамнай энэргіі ў снежні папярэдзіла, што Іран стаў бліжэй да стварэння ядзернай зброі.

The Wall Street Journal (WSJ) адзначала, што ў той час Трамп праводзіў стратэгію «максімальнага ціску» на Іран, спадзеючыся, што краіна спыніць фінансаванне і падрыхтоўку групаў, якія ЗША ўважае за тэрарыстычныя, і пачне выпраўляць сітуацыю ў галіне правоў чалавека. Паводле інфармацыі крыніцаў выдання, абраны прэзідэнт збіраецца прадаўжаць гэтую палітыку.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com