СМІ паказалі, як фінская паліцыя пракралася на борт шпіёнскага карабля РФ

Апублікаваныя ўнікальныя кадры.

Высокатэхналагічнае абсталяванне на борце было незвычайным для гандлёвага судна і спажывала больш энэргіі ад генератара. Фінляндыя затрымала судна праз падазрэнні ў тым, што з яго дапамогай нядаўна пашкодзілі ключавыя падводныя кабелі ў Балтыйскім моры, каб нашкодзіць краінам, якія дапамагаюць Украіне.

Фінская паліцыя і памежнікі праніклі на борт карабля, які звязваюць з Расеяй і які быў напоўнены “шпіёнскім начыннем”. Аб гэтым піша The Daily Mail.

Фінская паліцыя захоплівае звязаны з Расеяй танкер Eagle S “ценявога флоту”

Улады падазраюць, што нафтавы танкер Eagle S цягнуў свой якар, што прывяло да разрыву лініі электраперадачы Estlink 2 паміж Фінляндыяй і Эстоніяй.

У адказ NATO тэрмінова ўзмацняе патруляванне ў Фінскай затоцы, ажыўленым марскім шляху, які таксама шырока выкарыстоўваецца расейскімі вайсковымі-марскімі і камерцыйнымі суднамі.

На фатаграфіях відаць, як фінскія праваахоўныя органы спусціліся на борт карабля з верталёта. Зарэгістраванае на астравах Кука судна Eagle S уважаецца за частку расейскага “ценявога” флоту, які Уладзімір Пуцін выкарыстоўвае для абыходу санкцый.

З выгляду гэта быў дрэнна абслугоўваны нафтавы танкер, але крыніцы паведамілі, што ён дзейнічаў як «шпіёнскі карабель» для Расеі з высокатэхналагічным абсталяваннем для радыевыведкі караблёў і самалётаў NATO.

“Высокатэхналагічнае абсталяванне на борце было незвычайным для гандлёвага судна і спажывала больш энэргіі ад генератара, што прыводзіла да шматразовых адключэнняў электраэнэргіі”, – паведаміў Lloyd's List са спасылкай на дасведчаную крыніцу.

Але зараз ён затрыманы фінамі праз падазрэнні ў тым, што з яго дапамогай нядаўна пашкодзілі ключавыя падводныя кабелі ў Балтыйскім моры, каб нашкодзіць краінам NATO, якія падтрымліваюць Украіну.

Паводле звестак брытанскага выдання суднаходнай галіны, Eagle S раней скідаў датчыкі ў Ла-Маншы падчас транзіту. А на яго борце была заўважаная нейкая асоба, магчыма, звязаная са шпіёнскай дзейнасцю.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com