Арына Сабаленка ўвайшла ў лік самых багатых спартовак свету згодна з вынікамі года

У прызавых тэнісістка па-за канкурэнцыяй.

У 2024-м першая ракетка свету Арына Сабаленка зарабіла 17,7 мільёна даляраў. Гэта пяты вынік сярод жанчын, піша выданне Sportico.

У якасці прызавых 26-гадовая беларуская спартоўка зарабіла 9,7 мільёна даляраў (да выліку падаткаў) — больш за ўсіх у рэйтынгу. Нагадаем, у 2024-м яна здабыла чатыры тытулы: на Адкрытым чэмпіянаце Аўстраліі, спаборніцтвах у Цынцынаці, US Open і турніры ва Ухане. Сабаленка ўпершыню скончыць год у статусе першай ракеткі.

Яшчэ восем мільёнаў Арына атрымала ад фундатараў.

«Перамогі і рэйтынг прынеслі выгадныя бонусы ад найбуйнейшага спонсара - Nike. Яе іншыя спонсары – Wilson, Whoop, Maestro Dobel Tequila і Oakberry USA. Прызавыя Сабаленкі за кар'еру складаюць 30,1 млн даляраў», - адзначыла выданне.

Беларуску апярэдзілі чатыры спартоўкі (лічбы пазначаны да выліку падаткаў і ўсіх агенцкіх збораў): тэнісісткі Кока Гаўф (ЗША, усяго зарабіла 30,4 мільёна), Іга Свёнтэк (Польшча, 21,4 млн), Чжэн Цыньвен (Кітай, 20,6 млн) ), а таксама фрыстайлістка Эйлін Гу (Кітай, 22,1 млн).

Усяго ў топ-10 рэйтынгу паводле версіі Sportico увайшлі шэсць тэнісістак.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com