У Грузіі апазіцыя выставіла патрабаванні алігарху Іванішвілі

Новыя выбары і не толькі.

Грузінскія апазіцыйныя аб'яднанні выставілі патрабаванні да заснавальніка і ганаровага старшыні «Грузінскай мары», алігарха Бідзінэ Іванішвілі. Адно з іх – новыя выбары.

Пра гэта сказана ў супольнай заяве апазіцыі, паведамляе «Рэха Каўказа».

Апазіцыйныя аб'яднанні падкрэсліваюць, што ў выпадку выканання іх патрабаванняў крызіс у краіне будзе закончаны. Гаворка пра:

неадкладнае вызваленне ўсіх палітычных зняволеных, затрыманых падчас акцый, і спыненне ўсіх справаў супраць іх;

прызначэнне новых парламенцкіх выбараў, якія будуць праведзеныя новым, незалежным выбарчым органам, і забеспячэнне палітычнай нейтральнасці праваахоўных органаў.

«Перамога Грузіі, нашай свабоды, неўнікнёная!» – сказана ў заяве апазіцыі.

Нагадаем, у Грузіі пасля парламенцкіх выбараў пачаліся маштабныя пратэсты. Грамадзяне выйшлі на вуліцы праз магчымую фальсіфікацыю вынікаў выбараў, на якіх прарасейская партыя «Грузінская мара» перамагла з вялікім адрывам.

Пратэсты ў Грузіі прадаўжаюцца кожны дзень. Пры гэтым улады актыўна выкарыстоўваюць паліцыю для разгону такіх акцыяў. Праваахоўнікі ўжываюць супраць пратэстоўцаў вадамёты, пярцовы газ і не толькі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com