Макрон прыняў адстаўку ўраду Францыі

Вотум недаверу кабміну Мішэля Барнье быў прыняты 4 снежня.

Прэзідэнт Францыі Эманюэль Макрон прыняў адстаўку ўраду пасля вотуму недаверу ад парламента краіны, паведаміў Елісейскі палац у сацсетцы X.

Вотум недаверу кабміну Мішэля Барнье быў прыняты 4 снежня. Падставай для вынясення вотуму недаверу сталі рознагалоссі паміж палітычнымі сіламі краіны, якія ўзніклі падчас узгаднення бюджэту на 2025 год.

«Мішэль Барнье разам з чальцамі ўраду забяспечвае развязанне актуальных справаў да прызначэння новага ўраду», – дадаецца ў паведамленні.

Кабмін Барнье быў сфармаваны толькі ў другой палове верасня. Макрону спатрэбілася амаль тры месяцы, каб выбраць новага кіраўніка ўраду пасля выбараў у Нацсход, паводле вынікаў якіх ніводнай з партый не ўдалося атрымаць большасць.

Новыя датэрміновыя парламенцкія выбары прэзідэнт, паводле Канстытуцыі Пятай рэспублікі, можа прызначыць толькі праз год пасля апошніх выбараў, якія адбыліся ў ліпені. Гэта другі такі выпадак з 1962 года, калі ў адстаўку быў выпраўлены ўрад Жоржа Пампіду.

Перад галасаваннем пра вотум Барнье заявіў, што праблемы, звязаныя з бюджэтным дэфіцытам, не знікнуць «чароўна» праз прыняцця дакумента і адстаўку ўраду. «Я не магу прыняць той факт, што інстытуцыйная дэстабілізацыя можа быць той мэтай, якая аб'яднае большасць дэпутатаў», – заўважыў прэм'ер, спрабуючы заклікаць апазіцыю адмовіцца ад пратэсту.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com