Сірыйскія паўстанцы ўвайшлі ў прыгарады Хомса: расейскія базы сёння могуць адрэзаць

Войскі дыктатара амаль не супраціўляюцца.

Байцы сірыйскай групоўкі «Хаят Тахрыр аш-Шам» сёння раніцай падышлі да стратэгічнага для рэжыму Башара Асада горада Хомса — трэцяга па велічыні ў краіне.

Як піша Anadolu са спасылкай на крыніцы, паўстанцы пачалі ўжо ўваходзіць у прыгарады.

Хомс - стратэгічна важная правінцыя, якая служыць брамай у сталіцу Дамаск. Страта горада адрэжа сталіцу ад узбярэжжа. Ад Міжземнага мора таксама будуць адрэзаныя расейскія вайсковыя базы.

Як паведамляе Reuters са спасылкай на афіцэра ўрадавага войска Сірыі, уначы расейскія ПКС разбурылі мост Рустан на шашы М5, галоўным маршруце ў Хомс, каб не даць паўстанцам выкарыстоўваць яго для прасоўвання.

Тым часам тысячы людзей ужо пакінулі Хомс праз боязь хуткага прасоўвання паўстанцаў.

Дзяржаўныя войскі амаль не супраціўляюцца паўстанцам. Удары наносіць толькі авіяцыя - у асноўным расейская, але аднымі ўдарамі з паветра спыніць наступленне не ўдаецца.

На відэа: калона паўстанцаў уваходзіць у мястэчка Тэр-Маэла за 3 км ад Хомса, яе вітаюць мясцовыя жыхары.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com