Politico: Вугорскія спецслужбы шпіёнілі за чыноўнікамі ЕЗ

Абшуквалі гатэльныя нумары і запісвалі тэлефонныя размовы.

Вугорская выведвальная служба шпіёніла за службоўцамі ЕЗ, якія наведвалі краіну, сведчаць звесткі супольнага расследавання вугорскага цэнтра журналісцкіх расследаванняў Direkt36 і бельгійскага выдання De Tijd.

Паводле яго звестак, супрацоўнікі Інфармацыйнай управы Вугоршчыны (IH) абшуквалі гатэльныя нумары, у якіх спыняліся чыноўнікі ЕЗ і запісвалі іх тэлефонныя размовы, піша Politico.

Аб'ектам сачэння, дарэчы, сталі следчыя Еўрапейскага бюро барацьбы з махлярствам (OLAF), якое ў свой час расследавала справу вугорскай кампаніі, якая належала зяцю прэм'ер-міністра Віктара Орбана.

У расследаванні прыводзяцца прыклады з 2015 да 2017 года, калі чыноўнікі ЕЗ, якія працавалі на OLAF і прыязджалі ў Вугоршчыну, падчас паездак на аўтамабілях станавіліся аб'ектамі сачэння, а іх тэлефоны праслухоўваліся.

У публікацыі таксама ўказана, што звычайнай практыкай вугорскай выведкі з'яўляецца ператрус гатэльных нумароў дэлегацый ЕЗ, якія прыязджаюць з візітам, і загрузка звестак з іх ноўтбукаў.

Будапешт ужо даўно абвінавачваюць ва ўзломе тэлефонаў журналістаў, актывістаў і апазіцыянераў.

У 2021 годзе адзін з вугорскіх заканадаўцаў прызнаў, што ўрад набыў ізраільскае шпіёнскае праграмнае забеспячэнне.

Раней сёлета кібератаку зазнаў дэпутат Еўрапарламента, крытычна настроены да Вугоршчыны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com