Карабель з нарвежскімі NASAMS сеў на мель на шляху ў Польшчу
8- 6.12.2024, 18:53
- 8,078
Дастаўка тэхнікі затрымліваецца.
Судна Finlandia Seaways з нарвежскімі сродкамі СПА на борце ў чацвер увечары села на мель у пратоцы Кармсундэт каля горада Гаўгесуна ў Нарвегіі - карабель накіроўваўся ў Польшчу, паведамляе нарвежскае вайсковае выданне Forsvarets forum.
Дзяжурны выратавальнік Галоўнага выратавальнага цэнтра Томас Брэйвал распавёў, што карабель патрапіў на мель і атрымаў пашкоджанні стырна і вяслярнай шрубы.
«На шчасце, карабель хутка паставілі на якар. Але спачатку паведамленне было даволі драматычным праз памер карабля, адлегласць да берага ў вузкай пратоцы і варункі надвор'я», – распавёў Брэйвал.
Цяпер судну нішто не пагражае, аднак дастаўка тэхнікі затрымліваецца.
Вайскоўцы знаходзяцца на месцы на прычале ў Кармеі для абароны абсталявання.
«Узброеныя сілы ўсталявалі часовую зону вайсковых абмежаванняў у супрацоўніцтве з уладальнікамі нерухомасці і паліцыяй, каб абараніць вайсковае абсталяванне», – паведаміла Ханэ Олафсэн, прэс-сакратарка Аператыўнага штаба Узброеных сіл Нарвегіі.
Са слоў Олафсэн, за ахову адказваюць сілы з Унутранай гвардыі. Паводле звестак NRK, экіпаж судна складаўся з 23 чалавек. Паведамляецца, што ў выніку ніхто не пацярпеў.
Яна не мае падрабязнасцяў аб тым, калі абсталяванне будзе на месцы ў Польшчы, але кажа, што Узброеныя сілы зараз разглядаюць альтэрнатыўныя сродкі транспартавання.
«Будуць затрымкі ў сувязі з перагрузкай абсталявання на новы транспартны сродак. Паводле яе слоў, гэта не паўплывае на місію», - сказала яна.
Карабель Finlandia Seaways належыць дацкай суднаходнай кампаніі DFDS і зафрахтаваны Узброенымі сіламі Нарвегіі для перавозкі матэрыялаў у Польшчу.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
