Крах рэжыму Асада з'яўляецца для Расеі значна горшай катастрофай, чым многія думаюць»

Геапалітычны ўплыў Крамля згортваецца на вачах.

Скіданне ў Сірыі рэжыму сям'і Асадаў – гэта яшчэ большая катастрофа для Расеі, чым здаецца на першы погляд. РФ страчвае ўплыў не толькі на Блізкім Усходзе, але і ў Афрыцы.

Пра гэта адкрыта піша расейскі прапагандыст Андрэй Мядзведзеў, паведамляе «Дыялог».

Ужо відавочна, што Расея страчвае дзве свае вайсковыя базы на тэрыторыі Сірыі – Хмеймім і Тартус. Турцыя ў якасці жэсту добрай волі дазволіла расейскім вайскоўцам эвакуявацца, аднак захаваць ваенную прысутнасць у краіне не ўяўляецца магчымым.

Крах Асада стаў для Расеі стратай не толькі Сірыі, але і Афрыкі.

«Са стратай базаў у Сірыі страцім і Афрыку. Хутчэй за ўсё. Вазіць грузы ў тую ж ЦАР або Малі стане амаль немагчыма. І гэта заадно азначае, што расейскі бізнэс будзе вымушаны знізіць прысутнасць у Афрыцы. Ну што ж, будзем асвойваць Сібір», – напісаў Мядзведзеў.

Ён мяркуе, што Расеі прыйшоў час «загарнуць сірыйскую старонку».

Блогер Tendar больш дэталёва расказаў, як гісторыя ў Сірыі адаб'ецца на расейскай прысутнасці ў Афрыцы.

«Крах рэжыму Асада з'яўляецца для Расеі значна горшай катастрофай, чым шмат хто думае… Як вядома, адна з “бізнэс-мадэляў” РФ заключаецца ў падтрымцы дыктатураў і рэжымаў па ўсім свеце, уключаючы Афрыку. Малі, Буркіна-Фасо, Нігер і ЦАР – гэта толькі некаторыя з іх. Расея нават самастойна распаліла грамадзянскую вайну ў Судане, пасля чаго наклала вета на мірныя ініцыятывы ў Радзе Бяспекі ААН. Вайна і пакуты – гэта добры бізнэс як для расейскай вайсковай прамысловасці, так і для сумна вядомай ПВК “Вагнер”. У абмен на падтрымку гэтых пагібельных рэжымаў у Афрыцы “вагнераўцы” атрымалі прамы кантроль над здабычай карысных выкапняў у рэгіёне, асабліва золата і крывавых алмазаў… Аднак з гледзішча лагістыкі Расея заўсёды спадзявалася на сірыйскія базы для перамяшчэння багацця і наймітаў… Большая частка аперацый у Афрыцы каардынавалася ў Хмейміме (базе ВКС РФ у Сірыі – рэд.). Без гэтай базы ўсе аперацыі ў Афрыцы практычна немагчымыя ці, прынамсі, значна больш затратныя. Гэтая “бізнэс-мадэль” магла квітнець толькі датуль, пакуль марыянетка Масквы – Башар Асад – знаходзілася ў Дамаску. А гэтаму, як мы ўжо ведаем, прыйшоў канец… Тое, што адбываецца, можа даць афрыканскаму народу, які пакутуе пад уладай дыктатараў і Масквы, шанец на вызваленне», – паведаміў эксперт.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com