Найлепшага футбаліста Беларусі-2021 разам з жонкай судзілі за пратэсты

Справу разглядала суддзя Наталля Дзядкова.

Нападніка мазырскай «Славіі» Андрэя Салаўя і ягоную жонку Аксану судзілі паводле «народнага» артыкула – ч. 1 ст. 342. Паводле яго ў Беларусі пераследуюць за ўдзел у мірных мітынгах у 2020 годзе.

Які прысуд вынеслі футбалісту і ягонай жонцы, невядома, піша канал «Белае і Чорнае». Паводле звестак берасцейскай «Вясны», справу разглядала суддзя Наталля Дзядкова 19 лістапада.

Салавей са жніўня, калі аднавіўся пасля цяжкай траўмы, не прапускаў матчаў у чэмпіянаце Беларусі, гэта значыць да суду ён не знаходзіўся пад вартай. Акрамя таго, ён выходзіў на поле і пасля паседжання суду: у матчах з «Гомелем» 24 лістапада і жодзінскім «Тарпеда» 1 снежня.

Андрэй Салавей нарадзіўся ў Бярозе, за кар'еру ён пагуляў у берасцейскім «Дынама», жодзінскім «Тарпеда», «Слоніме»-2017, гомельскім «Лакаматыве».

Найлепшы ў кар'еры сезон нападнік правёў у «Гомелі» ў 2021 годзе – тады ён нават быў прызнаны найлепшым футбалістам Беларусі. Аднак пасля гэтага Салавей перайшоў у «Шахцёр», і кар'ера пайшла на спад. Потым быў кароткі легіянерскі перыяд у Казахстане і вяртанне ў Беларусь – у мазырскую «Славію». У сезоне ён забіў тры галы ў 15 матчах.

Пра Аксану Салавей вядома толькі тое, што яна, як і Андрэй, нарадзілася ў Бярозе. Пара пабралася шлюбам у 2019 годзе, да таго часу яны былі разам ужо пяць гадоў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com