СМІ даведаліся пра страты Расеі ў Сірыі

За рэжым Асада загінулі афіцэры ФСБ, ГРУ, пілоты і мноства наймітаў ПВК «Вагнер».

На вайне ў Сірыі загінулі 543 расейскія вайскоўцы і супрацоўнікі ПВК Вагнер, што ў некалькі разоў перавышае афіцыйныя звесткі Мінабароны РФ. Пра гэта паведамляе BBC у панядзелак, 9 снежня.

Журналісты высветлілі імёны ўсіх загінулых, грунтуючыся на адкрытых крыніцах: журналісцкія матэрыялы, публікацыі ў сацыяльных сетках, а таксама звесткі з могілак і ваенных мемарыялаў.

Большасць загінулых – 346 чалавек – былі наймітамі ПВК «Вагнер». Імёны гэтых асобаў атрымалася пацвердзіць з дапамогай адкрытых крыніцаў і ўнутраных дакументаў кампаніі, якія сталі даступныя журналістам пасля выцечак інфармацыі паміж 2016 і 2022 гадамі.

Акрамя таго, Расея страціла ў Сірыі як мінімум сем афіцэраў спецназу ФСБ, сярод якіх былі супрацоўнікі групы Альфа, а таксама некалькі выведнікаў 45-й брыгады спецназу ПДВ, салдатаў і афіцэраў падраздзяленняў ГРУ, а таксама больш за 20 ваенных пілотаў і штурманаў. Сярод загінулых ёсць адзін генерал-маёр, дзесяць палкоўнікаў, 15 падпалкоўнікаў, 31 маёр і 61 афіцэр у званні ад лейтэнанта да капітана.

Афіцыйна Міністэрства абароны Расеі прызнае ўсяго 116 загінулых вайскоўцаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com