У Полацку 88-гадовага рыбака знесла на крызе па Заходняй Дзвіне
14- 21.02.2024, 12:51
- 7,040
Відэафакт.
Жыхар Полацка рыбаліў на рацэ Заходняя Дзвіна, у нейкі момант крыга адкалолася ад берага, і мужчыну панесла. Пра гэта расказалі ў прэс-службе МНС.
Інцыдэнт здарыўся 20 лютага. Пра тое, што каля моста на вуліцы Юбілейнай на крызе знаходзіцца чалавек, ратавальнікам паведаміў відавочца.
Да таго моманту крыга ўжо адплыла прыкладна на 60 метраў ад берага. Супрацоўнікі МНС выклікалі на дапамогу выратавальны катар. Ён падплыў да крыгі, а 88-гадовы мужчына, які знаходзіўся там, перасеў да ратавальнікаў. Яго даставілі на бераг.
Лекары агледзелі пенсіянера, у шпіталізацыі ён не меў патрэбы.