СМІ: Для лячэння Кадырава ў Грозны дастаўленае вельмі дарагое абсталяванне

Кіраўнік Чачэніі баіцца ездзіць у Цэнтральную клінічную лякарню ў Маскве.

Кіраўнік Чачэніі Рамзан Кадыраў прапусціў пасланне Пуціна федэральнаму сходу, у сувязі з чым СМІ абмяркоўваюць навіну, быццам ён у рэальнасці з 23 лютага знаходзіцца ў Цэнтральнай клінічнай лякарні (ЦКЛ), дзе праходзіць чарговы курс лячэння.

Аднак, як высветліў расейскі тэлеграм-канал ВЧК-ОГПУ, Кадыраву з нядаўніх часоў больш не трэба для лячэння адпраўляцца ў ЦКЛ.

У канцы лета ў Грозны паступіла вельмі дарагое і самае сучаснае медыцынскае абсталяванне, неабходнае для стварэння асаблівай палаты пад патрэбы выключна аднаго чалавека і яго захворвання. Гэта была складаная і доўгая «аперацыя» ва ўмовах санкцый.

Аднак, з гэтых часоў ужо лекары ЦКЛ лётаюць у Грозны, калі ў кіраўніка Чачэніі чарговае абвастрэнне захворвання. А сам ён можа пазбягаць публікацый аб шпіталізацыі ў ЦКЛ і рабіць выгляд, што «з ім усё ў парадку».