Расейцы трэці дзень запар становяцца ў вялізныя чэргі, каб развітацца з Навальным

Чэргі расцягнуліся на сотні метраў.

Расейцы трэці дзень запар прыходзяць на Барысаўскія могілкі ў Маскве, каб развітацца з Аляксеем Навальным.

Паводле інфармацыі «Понятно.медиа», ля ўваходу на могілкі зноў утварылася чарга з ахвочых развітацца з палітыкам. Людзі працягваюць прыходзіць, каб пакласці кветкі і запіскі.

«Сёння тут спакойна. Чарга хутка рухаецца, стабільна стаіць чалавек па 100 і новыя ўсё прыходзяць», - паведамляе карэспандэнт выдання.

Перад уваходам на тэрыторыю Барысаўскіх могілак утварылася чарга.

Пра гэта «Медузе» распавёў чытач, які прыйшоў на могілкі. З яго слоў, даўжыня чаргі ўжо складае блізу 200 метраў.

«Усё спакойна і без эксцэсаў. Стаіць адзін аўтазак побач, але паліцыі не відаць», - адзначае ён.