«У найбліжэйшыя два тыдні ў Расеі будзе “весела і ярка”»

Вядомы ўкраінскі журналіст анансаваў шматлікія цікавыя падзеі ў РФ.

Вядомы ўкраінскі журналіст Дзмітры Гардон анансаваў шматлікія цікавыя падзеі ў Расеі неўзабаве.

«Вы памятаеце, я казаў, што ведаю пра тое, што ў нас сёе-тое ёсць? Я парадую нашых паважаных гледачоў: у нас ёсць яшчэ сёе-тое. Больш за тое, скажу, у нас ёсць, акрамя гэтага, сёе-тое яшчэ і яшчэ сёе-тое», – заінтрыгаваў Дзмітры Гардон.

Анонс гарачых падзей на тэрыторыі РФ ад Гардона можна пачуць на канале YouTube.

Валодаючы інфармацыяй, але, не маючы магчымасці яе рассакрэціць, вядомы журналіст надумаў парадаваць украінцаў, тонка намякаючы на будучыя падзеі: «У нас сёе-тое ёсць. Ніхто гэтага не афішуе: ні тыя, хто нам гэтае нешта перадаў, ні мы, якія гэтае нешта маем, але самалёты ўпарта падаюць і хутка будуць падаць не толькі самалёты. Тое, што ўкраінскія дроны некалькі начэй запар наведваюць Санкт-Пецярбург, дык гэта таксама пра нешта гаворыць. Вы толькі адлегласць палічыце якую».

Потым Дзмітры Гардон урачыстым голасам, радасна ўсміхаючыся, заявіў: «Усё ідзе паводле плану. Пастукаю тры разы па дрэве. Далей я не магу нічога гаварыць, але ў мяне добры настрой, таму што я ведаю, што ў найбліжэйшыя два тыдні ў Расеі будзе “весела і ярка”. Звярніце ўвагу, што самалёты збіваюць над тэрыторыяй Расеі, таму сёе-тое для тых, хто разбіраецца, гэта гаворыць. Рэзюмую: пакуль усе не пераб'ем – не супакоімся».