Гелікоптэр, які перавозіў прэзідэнта Ірана, здзейсніў жорсткую пасадку
- 19.05.2024, 16:32
- 7,390
Апроч Раісі, у гелікаптэры знаходзіліся яшчэ некалькі чыноўнікаў.
Гелікоптэр, які перавозіў прэзідэнта Ірана Эбрахіма Раісі, здзейсніў жорсткую пасадку ў нядзелю, піша Alarabiya News- са спасылкай на дзяржаўную тэлевізію.
Інцыдэнт здарыўся, калі Раісі накіроўваўся ў іранскую правінцыю Усходні Азербайджан. ДзяржТВ паведаміла, што на месца аварыі былі накіраваныя выратавальныя каманды. Паводле звестак дзяржаўнага інфармацыйнага агенцтва IRNA, акрамя Раісі, у гелікаптэры знаходзіліся яшчэ некалькі чыноўнікаў, у тым ліку міністр замежных спраў Хасейн Амір-Абдалахіян. Складаныя ўмовы надвор'я і моцны туман перашкодзілі працы ратавальнікаў, паведамілі на дзяржТВ.