У Белгародскай вобласці беспілотнік атакаваў нафтабазу

Пашкоджанні атрымаў рэзервуар з бензінам.

У панядзелак, 20 траўня, БПЛА атакаваў нафтабазу ў пасёлку Прохараўка Белгародскай вобласці РФ. Пашкоджанні атрымаў рэзервуар з бензінам.

Пра гэта паведамляе расейскі Telegram-канал Astra.

Расейцы заяўляюць, на месцы ўдару БПЛА не ўзнікла пажару. Пацярпелых у выніку атакі нібыта таксама няма.

20 траўня ў Мінабароны РФ заяўлялі аб «перахопе» і «знішчэнні» сямі БПЛА над Белгародскай вобласцю.