Украінцы стварылі «сродак тры ў адным» супраць акупантаў

На што здольны ўніверсальны дрон Mangust.

Распрацоўнікі з Чаркас стварылі шматфункцыянальную рабатызаваную наземную платформу Mangust, якая можа выконваць лагістычныя задачы, ажыццяўляць дыстанцыйнае мінаванне, а таксама выкарыстоўвацца ў якасці дрона-камікадзэ.

Адпаведнае відэа было апублікаванае на YouTube-канале распрацоўніка "Багі Мангуст".

На відэа можна ўбачыць, што беспілотнік мае высокую праходнасць і лёгка пераадольвае перашкоды ў выглядзе невялікіх узгоркаў, кустоў і аўтамабільных шын. Наперадзе і ззаду платформы можна ўсталяваць міны, якія фіксуюцца спецыяльнымі замкамі. Дрон таксама абсталяваны адмысловым кантэйнерам, у якім можна перавозіць боепрыпасы, правіянт ці іншую карысную нагрузку. У адным з урыўкаў відэа паказана, як беспілотнік перавозіць чалавека.

Тэхнічныя характарыстыкі платформы:

памеры 1000х1050х900 мм;

Вага 135 кг;

максімальная хуткасць 10 км/г;

хуткасць крэйсерская 7 км/г;

сувязь відэа да 500м;

сувязь кіравання да 2000 м;

мачта з антэнай 4,25м;

час працы ў змяшаным цыкле да 6 гадзін.

На афіцыйным сайце распрацоўніка Mangust заяўлены як універсальная платформа, якая можа дыстанцыйна мінаваць тэрыторыю, выконваць функцыі забеспячэння і наносіць удары. Кошт апарата складае 4 600 даляраў.

Нагадаем, платформа сучасных ўкраінскіх вырабаў і вынаходстваў ваеннага часу Brave Inventor раней паведамляла, што ва Украіне распрацавалі дрон на універсальнай гусенічнай платформе, які можа выкарыстоўвацца для мінавання, выведкі і нанясення ўдараў. Дрон гарантавана працуе на адлегласці аднаго кіламетра, валодае высокімі хадавымі характарыстыкамі, а таксама высокай грузападымальнасцю пры кампактных памерах.