«У горадзе пачалася аквадыскатэка»

Магутны навальнічны фронт абрынуўся на Берэсцейшчыну і затапіў Гародню.

Увечары ў чацвер, 11 ліпеня, да Беларусі падышоў магутны навальнічны фронт. Першымі пад ударам апынуліся Гарадзенская і Берасцейскаякая вобласці — у першай проліўнем за лічаныя хвіліны затапіла вуліцы абласнога цэнтра, у другой шквалісты вецер пакінуў без электрычнасці некалькі вёсак і паселішчаў, піша telegraf.news.

На Берасцейшчыне шквалісты вецер абрываў правады і валіў дрэвы

Паводле звестак Берасцейскіх энергетыкаў, у рэгіёне мінулым вечарам больш за іншых ад навальнічнага фронту пацярпеў Камянецкі раён. Так, у аграгарадку Расна моцнымі парывамі ветру паваліла апоры лініі электраперадачы (ЛЭП) 0,4кВ, а ў шэрагу вёсак (напрыклад, у Падбелах, Радзевічах, Воўчыне) правады абарвалі дрэвы і зламанае галлё, якія не ўстаялі пад напорам шквалістага ветру.

"Як толькі прайшоў навальнічны фронт, брыгады Высокаўскага ўчастка і Камянецкага раёна электрычных сетак пачалі абследаванне пашкоджаных участкаў і аднаўленне электразабеспячэння", - расказалі ў Брэстэнэрга і паказалі фота з пацярпелых вёсак.

Гародню затапіла пасля трыццаціградуснай спякоты

Жыхарам суседняга Гарадзенскага рэгіёна больш за ўсё непрыемнасцяў прынёс моцны лівень. Жыхары абласнога цэнтра паказалі ў сацсетках, як літаральна за 10-15 хвілін вуліцы горада ператварыліся ў рэкі, з-за чаго аўтамабілістам давялося мімаволі адточваць навыкі аквапланавання.

Зрэшты, мяркуючы са слоў аўтараў некаторых відэа і каментароў пад ролікамі ў сацсетках, многія гараджане, якія знемагаюць у апошнія дні ад спякоты, якая пераваліла за трыццаціградусную адзнаку, былі радыя кароткачасовай перадышцы ў трапічнай спёцы, якую падарыла ім непагадзь.

На падобныя відэа некаторыя жыхары іншых беларускіх рэгіёнаў, якія таксама знемагаюць ад анамальнай спякоты ў гэтыя дні, рэагавалі з непрыкрытай зайздрасцю.

«Я вам зайздрошчу! Частку ў Менск пашліце, пліз», - напісаў адзін з карыстальнікаў TikTоk, і мяркуючы, з прагнозу сіноптыкаў, чакаць яму давядзецца не доўга.

Гараджане дзеляцца ў сацсетках фота і відэа патопу, таксісты ўзнялі кошты з-за падвышанага попыту, а адзін чуллівы гарадзенец сабраў нумарныя знакі, якія адваліліся ад аўтамабіляў, і зладзіў са згубы інсталяцыю ў надзеі, што яны змогуць вярнуцца да гаспадароў.

Многія гараджане радыя дажджу: паводле іх слоў, гэта найлепшае, што магло быць пасля спякоты.

Аўтаўладальнікі ў большасці сваёй не вельмі рады незапланаванаму апусканню на легкавіках: многія нясуць страты.

«Ветрам знесла плот уздоўж вуліцы Будзёнага і, відавочна, зачапіла аўтамабіль», - піша тэлеграм-канал «АвтоГродно».

«Мой сусед, паджылы мужчына, сабраў пасля дажджу нумары аўтамабіляў і пакінуў іх каля крамы «Бакалея», якая на завулку Перамогі», - распавёў адзін гарадзенец.

«Двары на вуліцы Рэпіна затапіла, да аўтамабіляў не падабрацца».

«Азёрская шаша: пад эстакадай лепш пакуль не праязджаць».

«На Старым мосце вады больш, чым пад ім. Увогуле, пакуль лепш пабыць дома»

У кірунку Усходняга моста аўтамабіль апынуўся ў кювеце.

Як піша Hrodna.life, з-за ліўня ў Гародні ўтварыўся падвышаны попыт на таксі - карыстаючыся выпадкам, таксісты ўзнялі кошты. Зрэшты, у такое надвор'е ўсім несалодка.

Ды і ў грамадскім транспарце далёка не з'едзеш.

Куды навальнічны фронт рушыць далей?

Згодна з аператыўнымі звесткамі Белгідрамета, у найбліжэйшыя 12 гадзін, аранжавы ўзровень небяспекі з-за навальніц будзе дзейнічаць не толькі на Берасцейшчыне і Гарадзеншчыне, але і Меншчыне. Падышоўшы да Віцебскай, Магілёўскай і Гомельскай абласцей, мяркуючы з прагнозаў сіноптыкаў, фронт пачне слабець - там узровень небяспекі па гэтых неспрыяльных з'явах ужо паніжаны да жоўтага ўзроўню. Зрэшты, па ўсёй краіне будзе захоўвацца небяспечны ўзровень спякоты на працягу найбліжэйшых дзён.

У сувязі са спякотай (у паўднёвых раёнах краіны сёння тэрмометры могуць паказаць да +35 +36°С, а ў сярэднім па краіне — блізу +30 +34°С), у МНС папярэдзілі беларусаў аб наступных фактарах небяспекі:

парушэнне электразабеспячэння,

узнікненне прыродных пажараў і пажараў у жылых і вытворчых будынках,

гібель людзей на вадзе пры купанні,

павелічэнне імавернасці цеплавых удараў,

павелічэнне колькасці дарожна-транспартных здарэнняў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com