МЗС раскрыў новыя дэталі прыбыцця ва Украіну Patriot і F-16
5- 12.07.2024, 9:55
- 8,938
Ёсць два прынцыповыя моманты.
Ва Украіну ўжо ляцяць першыя F-16 і едуць новыя сістэмы Patriot, але вайсковай дапамогі ад партнёраў будзе больш. Пра гэта ў эфіры тэлемарафону заявіў міністр замежных спраў Дзмітрый Кулеба.
Ён адзначыў, што не можа падзяліцца маршрутам знішчальнікаў F-16, але калі яны з'явяцца ў небе над Украінай, «усе пытанні будуць знятыя».
«Тут ёсць два прынцыповыя моманты. Па-першае, мы абяцалі, што летам 2024 года ва ўкраінскім небе будуць змагацца F-16, і гэтае абяцанне выканана. Другое - гэта толькі першая хваля. Напраўду нам трэба больш самалётаў, і пытанне пастаўкі, паступленні першай хвалі F-16 ужо развязанае», - растлумачыў Кулеба.
Ён распавёў, што цяпер Украіна працуе «на перспектыву». Размова ідзе аб павелічэнні колькасці F-16, атрыманні іншых заходніх мадэляў самалётаў і пастаўках МіГ-29 прыязным краінам. Са слоў кіраўніка МЗС, расслабляцца падчас вайны нельга, і праца працягваецца бесперапынна.
Таксама міністр паведаміў, што Украіна прасіла аб сямі сістэмах Patriot. Аб пяці з іх ужо ёсць пастанова і адная (нямецкая) ужо дастаўленая, некаторыя іншыя пастановы набліжаюцца да прыняцця. Акрамя таго, партнёры паабяцалі паставіць шмат комплексаў сярэдняй і малой далёкасці. Кулеба падкрэсліў, што гэта будзе «самым магутным аднаразовым умацаваннем» украінскай супрацьпаветранай абароны за час поўнамаштабнай вайны.
«Глядзіце, усе сістэмы Patriot, якія можна будзе знайсці ў свеце і прывезці ва Украіну - яны ўсе будуць прывезеныя. Гэта можа заняць дзесьці больш часу, дзесьці менш, але Украіна мае патрэбу ў гэтым шчыце і яна яго атрымае», - дадаў ён.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
