У Лідзе згарэў склад аднаго з галоўных прадпрыемстваў
8- 12.07.2024, 10:03
- 5,620
Магчымая прычына пажару - маланка.
Уначы 12 ліпеня загарэўся склад аднаго з галоўных прадпрыемстваў горада - ААТ «Лакафарба» ў Лідзе. Згарэў і склад, і шэсць тон лёгкаўзгаральных вадкасцяў, якія захоўваліся ў ім, паведамляе прэс-служба МНС.
Паведамленне аб пажары паступіла 12 ліпеня а 00.29. Гарэў аднапавярховы металічны складскі будынак на тэрыторыі ААТ «Лакафарба» па вуліцы Ігнатава ў Лідзе.
Як заявілі ў МНС, ужо праз тры хвіліны пасля выкліку 12 пажарных разлікаў пачалі тушыць пажар. А 01.35 пажар быў лакалізаваны, а 03.31 - ліквідаваны.
У выніку пажару знішчаны складскі будынак і адкіды ЛВЖ, якія захоўваліся ў ім, агульнай масай 6 тон. Пацярпелых няма.
Тэхналагічны працэс прадпрыемства не парушаны.
Прычына здарэння высвятляецца. Паводле папярэдняй версіі, да пажару прывёў удар маланкі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
