Фінляндыя паслала магутны сігнал Расеі
6- 12.07.2024, 16:24
- 9,082
Краіна прыняла закон для блакавання мігрантаў, якія ідуць з РФ.
Парламент Фінляндыі ў пятніцу прыняў закон, які дае памежнікам права блакаваць шукальнікаў прытулку, якія перасякаюць мяжу з Расеі, пасля таго, як краіна была вымушаная закрыць сваю мяжу праз наплыў мігрантаў.
Пра гэта, як піша «Еўрапейская праўда», паведамляе фінскі вяшчальнік Yle.
Законапраект быў прыняты 167 галасамі «за», 31 - «супраць» і адзін дэпутат устрымаўся.
Для прыняцця законапраекта неабходная была большасць у дзве траціны галасоў у 200-мясцовым парламенце.
Урад прэм'ер-міністра Петэры Орпа заявіў, што законапраект з'яўляецца жыццёва важным для спынення будучага прытоку мігрантаў - нягледзячы на тое, што закон супярэчыць міжнародным абавязацельствам Фінляндыі ў галіне правоў чалавека.
«Гэта магутны сігнал для Расеі, магутны сігнал для нашых хаўруснікаў, што Фінляндыя клапоціцца аб уласнай бяспецы, мы клапоцімся аб бяспецы межаў ЕЗ», – заявіў Орпа на прэс-канферэнцыі пасля галасавання.
Закон мае часовы характар і будзе дзейнічаць год. Для ўвядзення закона ў дзеянне спатрэбіцца супольная пастанова ўрада і прэзідэнта.
Закон дазволіць фінскім памежнікам разварочваць на мяжы просьбітаў прытулку, які выкарыстоўвае ў сваіх інтарэсах Расея.
З сакавіка ў краіну не прыбыў ніводны новы шукальнік прытулку - Фінляндыя закрыла свае сухаземныя межы з Расеяй у канцы мінулага года.
Фінляндыя абвінаваціла Расею ў тым, што яна ператварае міграцыю ў зброю, заахвочваючы дзясяткі мігрантаў з такіх краін, як Сірыя і Самалі, перасякаць мяжу. Крэмль адмаўляе гэтыя абвінавачанні.
Хельсінкі мяркуюць, што Масква заахвочвае перасячэнне мяжы ў адказ на ўступленне ў NATO Фінляндыі, якая падтрымлівае Украіну.
Фінляндыя таксама ўзмацніла бяспеку закрытай граніцы з Расеяй.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
