Мінабароны Брытаніі раскрыла шакавальныя лічбы страт расейцаў за два месяцы

Харкаўскі наступ акупантаў захлынуўся.

Расейскае войска страціла параненымі і забітымі больш за 70 тысяч падчас вайны ва Украіне за мінулыя два месяцы, паведамляе міністэрства абароны Вялікай Брытаніі.

«Сярэднія штодзённыя страты Расеі (забітымі і параненымі) ва Украіне цягам траўня і чэрвеня ўзраслі да пікавых значэнняў канфлікту 1262 чалавекі на дзень і 1163 адпаведна. Агулам, Расея, імаверна, страціла (забітымі і параненымі) больш за 70 тысяч чалавек за апошнія два месяцы», - гаворыцца ў паведамленні брытанскага абароннага ведамства ў сацыяльнай сетцы X.

Брытанская выведка мяркуе, што рост баявых страт расейскага войска звязаны з адкрыццём новага фронту ў Харкаўскай вобласці ў пачатку траўня.

«Хоць гэты новы падыход павялічыў ціск на лінію фронту, эфектыўная ўкраінская абарона і адсутнасць расейскай падрыхтоўкі зніжаюць здольнасць Расеі выкарыстоўваць усе тактычныя поспехі, нягледзячы на спробы яшчэ больш расцягнуць лінію фронту», - падкрэслілі ў ведамстве. Выведка мяркуе, што ўзровень расейскіх страт захаваецца на ўзроўні 1 тысяча чалавек за дзень у найбліжэйшыя два месяцы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com