Палітычны аналітык: Ёсць толькі два сцэнары змены сітуацыі ў Расеі

Менавіта гэтага баяцца ў Крамлі.

Змены ў Расеі могуць адбыцца толькі з дапамогай палацавага перавароту або рэвалюцыі. Абодва сцэнары імаверныя. Пакуль толькі невядома, што запусціць механізм. Такое меркаванне ў эфіры тэлеканала FREEДОМ выказала палітычны аналітык і галоўная рэдактарка партала After Empire Вольга Курносава.

«Уладзімір Пуцін з'яўляецца не проста аўтарытарным лідарам, гэта нікчэмная пародыя на Іосіфа Сталіна. Тая колькасць палітвязняў, прапаганды, якая льецца з экрана тэлевізара, падобная менавіта на сталінскія часы. Таму пытанне самае галоўнае — спачатку пачне мяняцца палітычная эліта ці адбудзецца рэвалюцыя? Палацавы пераварот або рэвалюцыя - гэта толькі два сцэнары, паводле якіх можа мяняцца сённяшняя Расея. Трэцяга не дадзена», - сказала яна.

Менавіта новая хваля мабілізацыі ў Расеі можа запусціць рэвалюцыю, мяркуе Курносава.

«Калі казаць пра рэвалюцыю, то спускавым кручком можа стаць новая хваля мабілізацыі, якую многія прадказваюць у верасні. Яе чакаюць і баяцца. Яе баяцца і ў Крамлі. І менавіта таму зараз расейскія ўлады загаварылі аб замірэнні. Бо калі працягваць рабіць тое, што яны робяць, ім патрэбная новая хваля мабілізацыі, а яна можа прывесці да рэвалюцыі. Таму Пуцін загаварыў пра мір», - патлумачыла яна.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com