Расеец скраў з касы гульнявога клуба ў Магілёве амаль 25 тысяч рублёў

І паспрабаваў з'ехаць з Беларусі.

У міліцыю Магілёва звярнуўся прадстаўнік гульнявога клуба абласнога цэнтра і расказаў, што з касы арганізацыі было выкрадзена блізу 24500 беларускіх рублёў.

Вышукнікі высветлілі, што чужую гатоўку забраў сталы наведнік гульнявой установы, 42-гадовы мужчына, які нідзе не працуе, жыхар Смаленскай вобласці. Чарговы раз гульняман прыйшоў у клуб а пятай вечара, да раніцы наступнага дня гуляў у аўтаматы, прагуляўшы вялікую суму.

Раніцай, падышоўшы да барнай стойкі, ён убачыў, што адміністратара клуба няма. Каса і скрынка з гатоўкай засталіся пры гэтым без нагляду. Расеец нахіліўся пад барную стойку, вывучыў змесціва апарата і неўпрыкмет забраў грошы, а пасля пайшоў.

Затрымаць мужчыну здалелі пры спробе перайсці мяжу — з вялікай сумай грошай ён накіроўваўся ў суседнюю краіну.

На фігуранта распачалі крымінальную справу.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com