СМІ: Грэцыя верне ЗША 32 знішчальнікі F-16, якія перададуць Украіне

У ЗША баявыя самалёты, якія праслужылі амаль 40 гадоў, мадэрнізуюць.

Грэцыя верне 32 знішчальнікі F-16 Block 30 у ЗША, дзе яны будуць мадэрнізаваныя і адпраўленыя ва Украіну ў якасці вайсковай дапамогі для супрацьстаяння расейскай агрэсіі.

Пра гэта паведамляе выданне Bulgaria Military (пераклад - ТСН) са спасылкай на заходнія і блізкаўсходнія СМІ.

Такое пагадненне стала магчымым дзякуючы ўхваленню Кангрэсам ЗША экспарту 40 знішчальнікаў F-35A у Грэцыю. Яны мусяць замяніць F-16, закупленыя яшчэ ў 1985 годзе.

Такім чынам Грэцыя далучыцца да такіх еўрапейскіх краін як Бельгія, Нідэрланды і Данія, якія таксама перадаюць Украіне F-16, галоўным чынам дзякуючы атрыманню F-35A на замену.

Апроч закупу F-35 ВПС Грэцыі пачалі атрымліваць знішчальнікі Rafale пакалення 4+. Некаторыя з гэтых самалётаў былі падораныя Францыяй ужыванымі, што дазволіла Грэцыі падтрымліваць дыверсіфікаваны флот.

Перадача амерыканскіх F-16 выклікала меркаванне, што Грэцыя можа перадаць Украіне свае спісаныя французскія знішчальнікі Mirage 2000.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com