Што чакае беларусаў з 1 жніўня
2- 26.07.2024, 10:01
- 16,396
Новаўвядзенні закрануць не толькі «дармаедаў».
Апошні месяц лета прынясе шмат важных змен.
Партал onliner.by расказаў пра галоўныя змены з 1 жніўня.
Зменіцца пражытачны мінімум і сацыяльныя выплаты
Бюджэт пражытачнага мінімуму ў сярэднім на душу насельніцтва з 1 жніўня складзе 433 рублі (цяпер ён роўны 418,73 рубля). Вось як зменяцца іншыя памеры БПМ:
для працаздольнага насельніцтва - 462,26 рубля (цяпер 448,99 рубля);
для пенсіянераў - 314,13 (303,03);
для дзяцей да 3 гадоў - 273,78 (264,93);
для дзяцей ад 3 да 6 гадоў - 365,55 (354,32);
для дзяцей ад 6 да 18 гадоў - 428,23 (413,07).
З улікам росту БПМ павялічыцца аднаразовая дапамога: пры нараджэнні першага дзіцяці яна складзе 10 БПМ, або 4 330 рублёў, пры нараджэнні другога і наступных дзяцей - 14 БПМ, або 6 062 рублі.
З 1 жніўня дапамога на дзяцей, старэйшых за 3 гады, з асобных катэгорый сем'яў на дзіця з інваліднасцю складзе 303,10 рубля, на іншых дзяцей у сям'і — 216,50 рубля.
Калі ў дзіцяці інваліднасць, дапамога з прычыны догляду яго складзе 433 рублі (з I і II ступенямі страты здароўя і з III і IV ступенямі страты здароўя да дасягнення дзіцем узросту 3 гадоў) і 519 рубля (з III і IV ступенямі страты здароўя пасля дасягнення дзіцем узросту 3 гадоў). А штомесячная дапамога на дзіця ва ўзросце да 18 гадоў, інфіцыраванага ВІЧ, вырасце да 303,10 рубля.
Крэдыты падаражэюць
Нацбанк упершыню за тры месяцы надумаў падняць разліковыя велічыні стандартнай рызыкі (РВСР). Яны заставаліся нязменнымі з траўня 2024 года. На новых крэдытах у беларускіх рублях (акрамя льготных) РВСР складуць:
для юрыдычных асоб - 12,5% гадавых (цяпер 11,98%);
для фізічных асоб - 17,71% (17,22%).
Гэта азначае, што банкі могуць узняць стаўкі за крэдыты. Чым меншыя рызыкі, тым ніжэйшыя стаўкі за крэдыты (пры іншых роўных умовах).
Чарговыя навіны для «дармаедаў»
З 1 жніўня ў сакратароў камісій у каардынацыі працы для спрыяння занятасці насельніцтва з'явяцца новыя абавязкі. Яны будуць працаваць з базай звестак людзей, не занятых у эканоміцы, і складаць спісы «дармаедаў». Таксама з гэтай даты іх будуць уключаць у склад камісій.
Будуць змены пры найме замежнікаў
Некаторых замежнікаў стане прасцей прыцягваць на працу ў Беларусі. З 1 жніўня пашыраецца спіс прафесій, прадстаўнікоў якіх беларускія кампаніі могуць наймаць у спрошчаным парадку - у паведамляльным прынцыпе органаў унутраных спраў.
У гэты спіс дадалі 18 новых працоўных спецыяльнасцяў. Большасць з іх звязаныя з гарбарнай справай: апаратчык дублення, вымяральнік гарбарна-футравай сыравіны і матэрыялаў, фарбавальнік скур, сушыльшчык сыравіны, паўфабрыкатаў і вырабаў і гэтак далей.
Камусьці адключаць гарачую ваду
"Мінскэнэрга" апублікавалі спіс сталічных адрасоў, еа якіх у жніўні адключаць гарачую ваду.
У "Мінсккамунцепласеткі" таксама прадставілі графік адключэнняў на жнівень. Калі вы напярэдадні не знайшлі свой адрас у спісе, паспрабуйце праверыць зараз.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
