«Шкода склала больш за 465 тысяч рублёў»

Кампанія прадавала прэміяльныя аўто, але нешта пайшло не так.

Уласнік кампаніі сумесна з дырэктарам вывозілі з Еўразвязу аўтамабілі прэміум-класа. Пасля гэтага аўто прадавалі на тэрыторыі Беларусі грамадзянам і суб'ектам гаспадарання Расеі. Пры гэтым арганізацыя не плаціла падаткі, заявіў Камітэт дзяржкантролю.

«Устаноўлена, што фактычны ўласнік кампаніі супольна з дырэктарам у 2023 годзе набыў на тэрыторыі ЕЗ праз падкантрольную пасрэдніцкую структуру 10 прэміяльных легкавікоў, - падзяліліся ў Камітэце дзяржкантролю. - Затым аўтамабілі завезлі на тэрыторыю Беларусі і прадалі расейскім грамадзянам і суб'ектам гаспадарання. Пры гэтым у нашай краіне аўтамабілі афармляліся на падстаўных фізічных асоб (у тым ліку тых, хто мае права на кампенсацыю мыт і падаткаў, што выплачваюцца пры ўвозе транспарту)».

«Даход ад продажу ішоў «міма касы», падаткі з яе кампаніяй не вылічаліся і не выплачваліся, - заўважылі ў ведамстве. - Шкода склала больш за 465 000 рублёў».

За ўхіленне ад выплаты падаткаў у вялікай суме ў дачыненні да фігурантаў распачатая крымінальная справа.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com