Лукашэнка прызнаў сур'ёзныя праблемы са здароўем

Напярэдадні дыктатару стала дрэнна на саміце ШАС у Астане.

Аляксандр Лукашэнка прызнаў, што ў яго сур'ёзныя праблемы са здароўем і «ён мае патрэбу ў адпачынку». Аб гэтым ён заявіў 6 ліпеня на рэспубліканскім свяце «Купалле» («Александрыя збірае сяброў»). Раней паведамлялася, што яму стала дрэнна ў Астане падчас саміту ШАС.

Дыктатар паведаміў, што цяжка перанёс апошнія дні і хацеў бы некаторы час пабыць на ўсходзе Беларусі. Відэа фрагмента ягонага выступу сёння раніцай апублікавала прэс-служба.

«Я хацеў бы з вамі падзяліцца сваімі думкамі. Яны для вас будуць, мусіць, вельмі важныя. Ліпень месяц - заўсёды цяжкія часы для мяне. Вельмі шмат масавых мерапрыемстваў. А самае цяжкае — гэта калі вялізная колькасць людзей, і кожны, гледзячы на цябе, у табе нешта шукае: недзе праклінае... недзе яшчэ нешта. І гэтая велізарная колькасць людзей вельмі ўплывае на чалавека, асабліва такія, як парад і іншыя ўрачыстыя мерапрыемствы. І яшчэ дадатковая нагрузка, звязаная з Казахстанам, Астаной, за 4000 кіламетраў адсюль. Я гэта кажу для таго, што цяжкія такія дні», - сказаў дыктатар.

Увечары, 5 ліпеня, тэлеканал «Дождь» паведаміў, што стан Лукашэнкі падчас візіту на саміт ШАС у Астане значна пагоршыўся. Журналісты спасылаліся на ўласныя крыніцы. Паводле звестак «Дождя», праблемы са здароўем у Лукашэнкі пачаліся 3 ліпеня, праз некалькі гадзін пасля прылёту ў Астану.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com