Украінскія памежнікі рыхтуюцца да «любых сітуацый» на мяжы з Беларуссю

Беларускі рэжым «стварае карцінку».

Украінскія памежнікі па-ранейшаму не фіксуюць ля мяжы з Беларуссю нарошчвання ці перамяшчэння беларускіх войскаў. Пра гэта 12 жніўня заявіў спікер Дзяржаўнай памежнай службы Украіны Андрэй Дземчанка ў эфіры тэлемарафону.

«Заява Лукашэнкі - падыгрыванне Расеі. Неаднаразова было такое, што яны гавораць пра нейкае нарошчванне сіл. Потым яны здымаюць гэтыя сілы з кірунку да мяжы з Украінай - маўляў, ужо не бачаць пагрозы. Гэта чарговая спроба інфармацыйнага ўплыву. Я не выключаю, што яны будуць вымушаныя ажыццяўляць перамяшчэнне тэхнікі, асабовага складу - у невялікай колькасці - для таго, каб можна было стварыць карцінку. Але яно будзе адбывацца ў глыб тэрыторыі Беларусі», - цытуе Дземчанку NV.

Спікер Дзяржаўнай памежнай службы таксама сказаў, што, хаця каля мяжы не назіраецца перамяшчэння або нарошчвання беларускіх войскаў, сітуацыя застаецца складанай.

«Улічваючы, што Беларусь застаецца ў сферы ўплыву краіны-тэрарысткі Расеі, пагроза на гэтым кірунку канчаткова не знікае. І мы павінны быць гатовыя да любой сітуацыі на кожным кірунку», - сказаў Дземчанка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com