«Расейцы вывесілі белы сцяг і здаліся»

Украінскія вайскоўцы паказалі прарыў абароны ў Курскай вобласці.

80 асобная дэсантна-штурмавая Галіцкая брыгада ДШВ УСУ паказала рэдкія кадры першых гадзін ваеннай аперацыі ў Курскай вобласці Расеі. Як зазначае прэс-служба брыгады ў Facebook, воіны прарвалі лінію абароны, знішчылі пагранічны пункт пропуску і ўзялі ў палон больш як 50 расейцаў.

«Падыйшоўшы да памежнага пункта пропуску «Суджа», штурмавыя групы 80-й брыгады заручыліся падтрымкай артылерыі і цяжкай бронетэхнікі. Сустрэўшыся са шквальным агнём украінскіх артылерыстаў і ўбачыўшы ўкраінскія танкі на тэрыторыі памежнага пункта, расейцы прынялі правільную пастанову - вывесіць белы сцяг і здацца ўкраінскім ваярам, накіраваўшыся разам са сваімі параненымі ў бок украінскай мяжы», - адзначылі ў брыгадзе.

Акрамя таго, дэсантнікі адзначылі, што раяць расейскім вайскоўцам выбіраць жыццё, а не бессэнсоўную смерць, і здавацца.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com