У дзіцячым санаторыі на Кобрыншчыне – эпідэмія норавіруснай інфекцыі

Паведамляецца, што захварэлі як падлеткі, так і выхавальнікі.

У дзіцячым рэабілітацыйна-аздараўленчым цэнтры «Колас», размешчаным у Кобрынскім раёне, зафіксавалі 37 выпадкаў вострай кішачнай інфекцыі норавіруснага тыпу. Сярод хворых – 33 падлеткі і 4 выхавальнікі. На гэты момант на тэрыторыі цэнтра працуюць спецыялісты санітарна-эпідэміялагічнай службы і інфекцыяністы, паведамляе Міністэрства аховы здароўя.

«У большасці захворванне працякае ў лёгкай ступені. З 8 шпіталізаваных цяпер у інфекцыйным аддзяленні Кобрынскай ЦРБ застаюцца 2 дзіцяці і 1 дарослы. Усяго ў цэнтры на аздараўленні знаходзіцца 587 чалавек», – гаворыцца ў афіцыйным паведамленні ўстановы на іх тэлеграм-канале.

Першыя выпадкі захворвання былі выяўленыя ў дзень прыезду новай групы дзяцей. Далей інфекцыя распаўсюдзілася праз побытавыя кантакты.

Міністэрства аховы здароўя падкрэслівае, што вірус не звязаны з арганізацыяй харчавання на аб'екце, што пацверджана лабараторнымі аналізамі супрацоўнікаў харчаблока, навакольнага асяроддзя і прадуктаў харчавання.

Санітарна-эпідэміялагічнай службай арганізаваны і праводзіцца неабходны комплекс супрацьэпідэмічных і прафілактычных мерапрыемстваў, у тым ліку ўзмоцнены кантроль за якасцю правядзення ўборак, захаваннем асабістай гігіены персаналам і дзецьмі, арганізаванае медыцынскае назіранне за кантактнымі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com