Samsung прэзентавала новы смартфон за 120 даляраў

Гэта замена леташняму Galaxy A05, але ў новым дызайне і з палепшаным экранам.

Samsung афіцыйна прэзентавала самую бюджэтную мадэль лінейкі Galaxy A – Galaxy A06. Гэта замена Galaxy A05/A05s, але ў новым дызайне і з «прапампаваным» экранам, піша GizmoChina.

У адрозненне ад папярэднікаў, дызайну тэлефона мае эстэтыку «Key Island», якую мы ўжо бачылі ў Galaxy A35 і Galaxy A55. Гэта невялікі выступ на правай грані корпуса, які прыўздымае кнопкі ўключэння і рэгуляванні гучнасці. Краі «астраўка» закругленыя, таму ён не чапляецца за палец і не перашкаджае карыстацца тэлефонам.

Хоць Galaxy A06 захаваў 6,7-цалевы ВК-дысплэй, як і ягоны папярэднік, частата абнаўлення была павялічаная з 60 да 90 Гц, што для прылады такой коштавай катэгорыі вельмі істотны плюс.

За прадукцыйнасць адказвае чып MediaTek Helio G85 ад A05. Ён прапануе варыянты захоўвання 64 ГБ ці 128 ГБ у спалучэнні з 4 ГБ ці 6 ГБ АЗП. Сістэма камераў таксама засталася ранейшай, з асноўным датчыкам на 50 МП і сэлфі-камерай на 8 МП. Батарэя на 5000 мач з зарадкай 25 Вт.

Тэлефон пастаўляецца з апошняй версіяй Android 14, але без функцый Galaxy AI. Кампанія абяцае чатыры гады асноўных абнаўленняў і 5 гадоў абнаўленняў бяспекі, што ў такім коштавым дыяпазоне не мае сабе роўных.

Гаджэт пакуль прапанаваны толькі ў В'етнаме, але глабальная версія, напэўна, не прымусіць сябе чакаць. За малодшую мадыфікацыю Galaxy A06 з 64 ГБ просяць 125 даляраў, а старэйшую з 128 Гбайт ацанілі на 150 даляраў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com