Лукашэнка пакрыўдзіўся на коміка Славу Камісарэнку

Дыктатар не ацаніў жарты коміка.

Следчы камітэт Беларусі пачаў расследаванне супраць стэндап-коміка Славы Камісарэнкі. Яго абвінавачваюць у паклёпе і абразе дыктатара Беларусі, а таксама ў распальванні варожасці.

Камісарэнка ў сваіх выступах неаднаразова парадыяваў Аляксандра Лукашэнку, жартаваў з яго і называў «Чык-Чырыкам». У 2021 годзе коміку забаранілі выступаць у Беларусі. Пазней ён з'ехаў і з Расеі, тлумачачы гэта пераследам з боку беларускага КДБ.

Апроч жартаў на адрас Лукашэнкі комік у сваіх стэндап-выступах неаднаразова закранаў тэму пратэставых мітынгаў, якія ішлі ў Беларусі пасля выбараў прэзідэнта ў 2020 годзе.

Камісарэнка нарадзіўся 27 ліпеня 1985 года ў Менску. На пачатку кар'еры Камісарэнка працаваў у рэкламнай сферы, быў капірайтарам, пісаў сцэнарыі для рэкламных відэаролікаў і тэлешоу, артыкулы для друкаваных выданняў. У 2008 годзе ў складзе дуэта «Сумленне» дэбютаваў у праекце «Смех без правілаў» на ТНТ, потым стаў выступаць самастойна і ў 2012-м стаў сталым рэзідэнтам праекта Stand Up на ТНТ. Супрацоўнічаць з каналам ён перастаў у 2020 годзе, сыход ён тлумачыў «законамі тэлевізіі» і выгараннем. Потым Камісарэнка завёў свой YouTube-канал, на ім амаль 1,5 млн падпісчыкаў. Таксама выступае на Захадзе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com