Лукашэнка ледзьве пераадолеў 1,5 кіламетра ў Гомельскай вобласці

Дыктатара астуджвалі з вентылятара.

Узурпатар Аляксандр Лукашэнка прыязджаў 2 жніўня ў Мазыр, каб «праінспектаваць ліквідацыю наступстваў стыхіі на Гомельшчыне» - так гэта было заяўлена ў дзяржаўнай прэсе.

Насамрэч, як высветліў «Флагшток», дыктатар у даслоўным сэнсе толькі адзначыўся ў рэгіёне. Усё яго наведванне Мазырскага раёна складалася з маршруту за паўтара кіламетра — ад верталётнай пляцоўкі да пасялковай плошчы Прудка і назад. Пра гэта расказалі геалакаваныя фатаграфіі.

На выездзе з верталётнай пляцоўкі каля вайсковай часткі Мазырскага памежнага атрада Лукашэнку чакаў шацёр з чыноўнікамі. Для большага камфорту дыктатара, праблемы са здароўем у якога апошнім часам абвастрыліся, у шатры размясцілі вентылятар.

На адрэзку шляху ад шатра да пасялковага пляца на ўсякі выпадак паклалі новы асфальт і пабялілі не толькі бардзюры, але і слупы, і дрэвы, як відаць на фота. Гэтыя працы мясцовыя ўлады праводзілі цягам мінулага тыдня, пасля таго як атрымалі інфармацыю аб візіце. Пра гэта расказвалі жыхары Мазырскага раёна ў сацсетках.

Акрамя праграмнай прамовы кіраўніка план яго візіту ўключаў "зносіны з мясцовымі жыхарамі", сярод якіх апынуліся чыноўнікі і сем'і - як высветлілася, таксама не простыя.

У прыватнасці, выпадковай сям'ёй з натоўпу стала сям'я начальніка аддзялення ўпраўлення аховы дзяржграніцы Мазырскага пагранатрада Дзяніса Вераксы.

Гэтая сям'я раней ужо “станоўча” сябе зарэкамендавала на прапагандысцкіх мерапрыемствах.

Пасля свайго спічу і «зносін з жыхарамі» хворы і аслабелы Лукашэнка адразу ж вылецеў у сваю рэзідэнцыю на адпачынак.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com