У СІЗА Бірабіджана праз галадаванне памёр расейскі музыка

Антываенны актывіст трымаў сухую галадоўку.

У СІЗА расейскага Бірабіджана памёр піяніст Павел Кушнір, які трымаў сухую галадоўку. Яго хацелі судзіць паводле артыкула аб «закліках да тэрарызму» праз ролік на ютуб-канале з пяццю падпісчыкамі.

Антываенны актывіст памёр яшчэ 27 ліпеня, напісала выданне «Вот так» са спасылкай на кіраўніцу фонду «Русь сидящая» Вольгу Раманаву.

Паўла Кушніра ў траўні 2024 года затрымалі супрацоўнікі ФСБ, супраць яго распачалі справу паводле артыкула аб «закліках да тэрарызму». Падставай для пераследу сталі відэа на ютуб-канале Кушніра «Замежны агент Малдэр», у якім ён «у паэтычнай форме» крытыкаваў палітыку расейскіх уладаў і ўварванне ва Украіну. З 2011 года на канал падпісалася пяць чалавек, адзначае «Вот так».

39-гадовы Павел Кушнір працаваў у філармоніі, таксама ён выдаў сваю антываенную кнігу, паведамляюць журналісты.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com