AP: Гарыс правядзе сумоўі з шасцю кандыдатамі на пасаду віцэ-прэзідэнта ЗША

Пасля гэтага яна пачне турнэ па сямі ключавых амерыканскіх штатах.

Кандыдатка на пасаду прэзідэнта ЗША Камала Гарыс у гэтыя выходныя правядзе сумоўі з шасцю кандыдатамі на пасаду віцэ-прэзідэнта.

Пра гэта агенцтву AP расказалі крыніцы, паведамляе «Еўрапейская праўда».

Паводле словаў двух людзей, знаёмых з працэсам адбору Гарыс, у яе спіс кандыдатаў увайшлі губернатары Кентукі Эндзі Бешыр, Ілінойса Джэй Б. Прыцкер, Пенсільваніі Джош Шапіра і Цім Волц з Мінесоты, а таксама сенатар Марк Кэлі з Арызоны і міністр транспарту Піт Бутыджэдж.

Шапіра і Кэлі называліся аднымі з галоўных прэтэндэнтаў падчас працэсу адбору.

Агенцтва адзначае, што крайні тэрмін для выбару партнёра кампаніі – аўторак, калі Гарыс пачне турнэ па сямі ключавых штатах, пачынаючы з Філадэльфіі, што ў штаце Пенсільванія.

Прэзідэнт Джо Байдэн заявіў журналістам у пятніцу, што ён гаварыў з Гарыс пра пошукі кандыдата ў віцэ-прэзідэнты, але калі яго спыталі, ці ёсць у яго парады датычна якасцяў, якія яна павінна шукаць у кандыдату, прэзідэнт публічна ўхіліўся ад адказу.

– Я дазволю ёй самой з гэтым разабрацца, – сказаў Байдэн.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com