УСУ ўсталявалі адразу некалькі рэкордаў на фронце

Расейцы яшчэ не бачылі такіх страт.

У ліпені ўкраінскія байцы ўстанавілі некалькі рэкордаў па стратах Расеі ў вайне, паведамляе партал «Каментарыі» са спасылкай на Генштаб УСУ.

Украіна знішчыла ў ліпені 1520 артылерыйскіх сістэм, у той час як сярэднемесячны паказчык складае 537, гэта значыць у тры разы менш. Таксама ў ліпені была знішчана рэкордная колькасць беспілотнікаў - 1348 адзінак, сярэдні месячны паказчык - 432 дронаў. Трэцім рэкордам ліпеня па стратах расейскага войска стала аўтатэхніка - 2103 адзінкі, у той час як УСУ ў сярэднім знішчаюць 727 адзінак штомесяц.

Такім чынам, ліпень стаў рэкордным па стратах Расеі ў трох катэгорыях:

- Артылерыйскія сістэмы - 1520 адзінак;

- Беспілотнікі - 1348;

- Аўтатэхніка - 2103.

Акрамя таго, Украіна ўстанавіла яшчэ два высокія паказчыкі па стратах Расеі. У ліпені Украіна ліквідавала 35680 расейскіх акупантаў, што стала другім вынікам з пачатку поўнамаштабнага ўварвання. Найбольшыя страты асабовага складу Расеі ўкраінскія байцы нанеслі ў траўні - 38940, гэта адбылося падчас актыўнага наступу расейцаў на Харкаўскую вобласць. У чэрвені Сілы абароны знішчылі 35030 расейскіх жаўнераў, што стала трэцім паказчыкам. Сярэдняя колькасць асабовага складу РФ, што ліквідуе Украіна на вайне, складае 19316 штомесяц.

Акрамя таго, у ліпені было знішчана 265 адзінак спецтэхнікі РФ, што з'явілася другім найлепшым паказчыкам ад 24 лютага 2022 года.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com