Пад Шчучынам мужчына сабраў неверагодную колькасць баравікоў

Сарваў грыбны джэк-пот усяго за 3,5 гадзіны.

Падабраць момант і адправіцца ў лес трэба ўмець. Адзін беларус — аматар ціхага палявання так і зрабіў і літаральна сарваў грыбны джэк-пот: за лічаныя гадзіны знайшоў пад Шчучынам вялізную колькасць баравікоў, піша NewGrodno.by.

Увесь ураджай - тры кошыкі і тры вялізныя мяшкі - мужчына сабраў адзін. Кажа, усяго за 3,5 гадзіны.

Дакладную лакацыю грыбнік не раскрывае. Лес, паводле ягных слоў, знаходзіцца ў Шчучынскім раёне.

Прычым на гэты раз сабраў выключна баравікі. А шмат хто казаў, што для баравікоў яшчэ ранавата.

Зрэшты, мяркуючы са справаздач у тэматычных групах у мэсэнджарах, баравікі паціху з'яўляюцца. Пад Азёрамі, напрыклад, збіраюць не толькі лісічкі, але і баравікі, чырвонагаловікі і абабкі.

У Парэчча пакуль едуць па лісічкі. Але і іншыя грыбы таксама трапляюцца.

Стае ў лесе і ягад. Чарніцы і ажына ўжо адыходзяць, але на падыходзе брусніцы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com