Намеснік кіраўніка МЗС Польшчы: У Польшчы ёсць інструменты ўздзеяння на рэжым Лукашэнкі

Анджэй Шэйна расказаў аб забароне ўезду аўтамабіляў з беларускімі нумарамі.

Урад Польшчы не збіраецца забараняць уезд аўтамабіляў з беларускімі нумарамі, заявіў намеснік кіраўніка МЗС Польшчы Анджэй Шэйна.

У эфіры PolskieRadio24 ён растлумачыў, што Польшча імкнецца прымяняць тыя санкцыі, якія не будуць біць па простых беларусах.

«Мы не будзем забараняць уезд асабістых аўтамабіляў беларусаў, хаця маглі б гэта зрабіць. Мы падзяляем рэжым і грамадства. Мы не жадаем, каб санкцыі, якія павінны біць па рэжыме, ударылі па простых людзях. Упэўнены, большасць беларусаў хацелі б жыць у дэмакратычным, заходнім грамадстве», - выказаўся намеснік кіраўніка МЗС Польшчы.

Шэйна нагадаў, што выбары 2020 года не былі прызнаны міжнароднай супольнасцю, яны былі прызнаны сфальсіфікаванымі.

Намеснік міністра зазначыў, што ў Польшчы ёсць інструменты ўздзеяння на рэжым Лукашэнкі, у тым ліку магчымае ў крайнім выпадку закрыццё мяжы для тавараў.

Аўто з беларускай рэгістрацыяй могуць уязджаць у Польшчу ў выпадку, калі ў салоне знаходзіцца ўладальнік аўтамабіля.

Нагадаем, з 16 жніўня Літва поўнасцю забароніць уезд аўтамабіляў з беларускімі нумарамі. Раней аналагічная забарона пачала дзейнічаць у Латвіі і Эстоніі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com