Конь скінуў рэкардсмена свету ў канкуры ў фінальным турніры Алімпіяды

Спартовец нумар адзін у канкуры заявіў, што гэта быў яго апошні буйны чэмпіянат разам са скакуном Каралём Эдвардам.

Швэдскі наезнік Хенрык фон Экерман, прызнаны спартовец нумар адзін у канкуры, пасля моцнага старту раптоўна быў скінуты са спіны жарабца Караля Эдварда. Аб падзеі ў Парыжы распавялі Expressen.

Амаль 16 тысяч чалавек сабраліся 6 жніўня ў парку Версальскага палаца на апошнія спаборніцтвы ў конным спорце. Пасля ідэальнага старту Экермана скінула з каня ў сярэдзіне забегу. Са слоў эксперта Петранэлы Андэрсан, скакун рэзка спыніўся без бачнай прычыны, праз што спартовец страціў раўнавагу і ўпаў.

Пасля правальнага выступу на Алімпіядзе 6 жніўня Экерман заявіў, што яму сорамна, і ён «проста хоча вярнуцца дадому да сына і сям'і». «Ганебна дрэнна, апраўданняў няма», – перадае Expressen словы Хенрыка фон Экермана. Таксама швэд заявіў, што гэта быў ягоны апошні буйны чэмпіянат разам з Каралём Эдвардам.

Швэдская каралеўская пара прысутнічала ў Версалі і стала сведкам падзення наезніка. Кароль Карл XVI Густаў падтрымаў спартоўца і правёў паралель з сітуацыяй, якая адбылася з яго бацькам на Алімпійскіх гульнях 1936 года ў Берліне: «Гэта як калі мой бацька ўдзельнічаў у Алімпіядзе ў канкуры ў 1936 годзе, і яго конь адмовіўся. У той раз таксама ўсё пайшло не вельмі добра, але прайшло ўжо шмат часу».

Золата ў фінале ў канкуры здабыў нямецкі наезнік Крысціян Кукук. На другім месцы размясціўся Стыў Герда са Швэйцарыі, а бронзу здабыў Майкел ван дэр Флейтэн, які выступаў за Нідэрланды.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com