Арбітраў матча кіеўскага «Дынама» і «Рэйнджэрс» у Лізе чэмпіёнаў затрымалі п'янымі ў Польшчы

Паліцэйскі патруль у Любліне сустрэў суддзяў п'янымі, прычым яны з сабой неслі дарожны знак.

Два польскія арбітры, якія павінны былі 6 жніўня працаваць на матчы трэцяга кваліфікацыйнага раунду Лігі чэмпіёнаў у Любліне (Польшча), былі затрыманыя ў стане алкагольнага ап'янення. Пра гэта паведамляе тэлеканал TVP Sport.

Cуддзі Барташ Франкоўскі і Томаш Мусял былі затрыманыя паліцыяй у Любліне блізу 2 гадзін ночы. Паліцэйскі патруль сустрэў суддзяў п'янымі, прычым яны неслі дарожны знак.

«Усе мужчыны былі ў стане алкагольнага ап'янення, у іх крыві было больш за 1,5 праміле алкаголю. Іх даставілі ў выцвярэзнік», - распавёў Каміль Галямбеўскі, прэс-сакратар галоўнай управы паліцыі Любліна.

Неўзабаве ім выставяць абвінавачанні ў пашкоджанні дарожнай інфраструктуры.

Франкоўскі павінен быў працаваць на VAR у матчы кіеўскага «Дынама» і шатландскага «Рэйнджэрс», Мусял - яго памочнікам. Цяпер на сайце УЕФА яны больш не пазначаныя ў якасці арбітраў VAR, іх замянілі іншымі палякамі — Томашам Квяткоўскім і Паўлам Малецам.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com